तातो खानाका लागि
पार्टी गर्नुभन्दा पहिले आफूले के गर्नुपर्छ तथा कसरी काम गर्ने भन्ने कुराको योजना बनाउनुपर्छ। पार्टीका लागि आवश्यक स्न्याक्स, डि्रंग्स आदि पार्टी सुरु हुनुभन्दा पहिले नै तयार गर्नुपर्छ।
- खाना तयार भएपछि फ्रेस भएर निस्कने।
- कुनै पनि खालको तनावबिना हाँसी-हाँसी पाहुनाको स्वागत-सत्कार गर्ने।
- तयार भएको खाना तात्तातो सर्भ गर्ने।
हटकेस
खाना तयार भएपछि हटकेसमा राख्ने। यसले खाना तातो राख्न सहयोग गर्छ। हटकेस राम्रो कम्पनीको लिनुपर्छ। नराम्रो पर्यो भने खानेकुरा लामो समयसम्म तातो रहँदैन।
माइक्रोओभन
माइक्रोओभनले महिलाहरूको दैनिक जीवनलाई सरल बनाएको छ। यसले गर्दा खाना तताउन कुनै चिन्ता लिनु पर्दैन। हरेक परिकार तयार भएपछि सर्भिङ बाउलमा हालेर माइक्रोओभनमा राख्न सकिन्छ। यसलाई खानुभन्दा पाँच मिनेटअघि निकाल्ने। चिसो भएको हरेक खानालाई यसमा तताएर सर्भ गर्न सकिन्छ। यसले खानाको मज्जा दिनुका साथै पार्टीको आनन्द लिन पनि सहयोग गर्छ। सबै खानेकुरा एकैपटक तताउनु हुँदैन। विस्तारै थोरै-थोरै गर्दै तताउनुपर्छ। किनभने हरेक पाहुना आउने समय एउटै हुँदैन। एकैपटक तताएको खाना सेलाउन सक्छ। त्यसैले पाहुनाको चाप हेरेर सोहीअनुसार खाना तताउनुपर्छ। यदि घरमा माइक्रोओभन सेफ डिभाइडर बाउल छ भने एकैपटकमा ३-४ वटा खाना राखेर तताउन सकिन्छ।
राइसकुकर
राइसकुकरमा चामलबाहेक पनि अरू धेरै कुरा पकाउन सकिन्छ। उदाहरणका लागि राजमा, मटर पनिर, दालजस्ता पार्टीमा अत्यधिक पकाइने खानेकुरा तातो राख्न सकिन्छ। यसमा खाना राख्दा लामो समयसम्म तातो रहन्छ। यदि चिसो भए पनि सजिलै तताउन सकिन्छ। यसमा भएको वार्म वटम अन गर्दा खाना तातो मात्र हुँदैन यसले तलदेखि माथिल्लो लेभलसम्म खाना तताउँछ। यसमा खानाको स्वाद उस्तै रहनुका साथै तातो खानाको मज्जा पनि लिन सकिन्छ।
No comments:
Post a Comment