गजल - जीतु खड्का गाउले

गजल (हात्तीको दाँत देखाउने एक चबाउने अर्को )

 जीतु खड्का गाउले 

सहमती गरेकै हौ हैन बाजी हारेको त
जनयुद्द लडेकै हौ छैन मान्छे मारेको त |१|
.
बन्छ हेर संबिधान केही बर्ष कुर अझै
समय त थपेकै हौ छैन झारो टारेको त |२|
.
सहमती गरी सक्यौ फिर्ता हुन्छ कब्जा भए
फिर्ता गर्छौ भनेकै छौ छैन सर्त सारेको त |३|
.
डाक्टर बैध एकै ठाँउ किन पार्टी बिमारी भो ?
पक्कै होला उपचार छैन सिमा बारेको त |४|
.
एकै गाँस एकै बास सोंच रैछ भिन्ना भिन्नै
राज हुन्छ मुखियाको हुन्न भुरा भारेको त |५|
.
जीतु खड्का (गाँउले )
मोरङ उर्लाबारी
हाल साउदी अरब