गजल - थोत्रो कट्टु मन्त्रीजीको धान्नै पर्यो

 हाम्रा आदरणीय मित्र "ठिस बुढा शैलेश " जी को ठट्यौली पाराको गजल हेर्न नभुल्नु होला |

             गजल

याँ आनन्दै छ जिंदगी, बाँच्नै पर्यो
आधा रातमा पानी तान्न जाग्नै पर्यो ॥

उठे देखीन सुते सम्म बाँच्ने आधार
पापी पेटको मुसा दौडमा नाच्नै पर्यो ॥

सलहले कुर्सी बाहेक सबै खायो
थोत्रो कट्टु मन्त्रीजीको धान्नै पर्यो ॥

नेपाल ठाममा गोरख बिर्से धंदा संझे
बन्दुक बोक्ने देवता जस्तै मान्नै पर्यो ॥

ऐठनवादी डाँका बन्छन राष्ट्रकारी
बिदा दिनुस, बाँच्न मुंगलान भास्नै पर्यो ॥