दिनभरी काम गर्दा साँझ खाने माम छैन- कल्पना अवस्थी

गजल ‍‍‍--- १५९

दिनभरी काम गर्दा साँझ खाने माम छैन

माम किन्न पनि हेर खल्तीभित्र दाम छैन  |१|

बत्ती बिना अन्धकारमा चलि रा'छ रातहरु

एसो दिए जस्तो गर्छ, प्राधीकरणको काम छैन |२|

जनताको दु:ख बुझ्ने भएनन् नि कोही नेता

रावणको भेष सबको लाग्छ कोई राम छैन |३|

पार्टी कुर्सी सबैलाई प्यारो छ नि नेपालमा 

कैले भन्न पाईएला बन्द अनि जाम छैन   |४|

भोको नाँगो लडी रा'छन् यो जाडोमा खान नपाँई

न्यानोपनको आभाष दिने अब कुनै घाम छैन |५|

यो "कल्पना" फर्कु भन्छे बिदेशको मोह छोडी

सोध्दा भन्छन् उतै बस ,यो देशमा ठाम छैन|६|