गजल ;-आँशुले भिजेको सिरानी छ म संग

गजल 




मंञ्चन अघिको काहानी छ म संग 
आँशुले भिजेको सिरानी छ म संग|१| 

सक्दिन उड्न म फिजाएर पंखेटा
अवधी नाघेको राहादानी छ म संग|२| 

कसरी गरु म त्यो समुन्द्र मन्थन
नेती पो छिनेको मधानी छ म संग|३| 

स्वार्थी छ जमना को पो छ र अछुतो ?
स्वार्थले छोपेको बैमानी छ म संग|४| 

के सक्छ स्वीकार्न दुनियाँले मलाई ?
अस्मिता लुटिएको जवानी छ म संग|५| 

जीतु खड्का गाउले
मोरङ उर्लाबारी
हाल -साउदी अरब