दशैँ बिशेष गजल

आदरणीय मेरा मित्र हरु मेरो आजको गजल -२९ नजिकिदै गएको दशैँ को बारेमा कोर्ने प्रयाश गरेको छु | हजुर हरुको सल्लाह र सुझाब मेरो गहना हो |







दशैँ आयो बर्ष दिनमा धनीलाई त माल भयो
कस्तो खालको चाड आयो गरीबलाई काल भयो ||

बुढी आमा बाटो कुर्छिन छोरा आउने दिन गनी
आशिष थाप्न नपाउँदा आज यस्तो बेहाल भयो ||

परम्परा धानी राख्न दशैँ मानौ सदभावले
धेरै आशिष कसले थाप्ने होडबाजी चाल भयो ||

द्वन्द कालमा दशैँ मान्न नपाएका सबै हामी
हाँसी खुशी चाड मान्ने आनन्दको साल भयो ||

बाध्याता र बिबशताले परदेशमा भए पनि
बडाजनको आसिष संगै टिका रंग लाल भयो ||

संजय कुमार खड्का
हाल :साउदीअरब
रामेछाप देउराली -८